அம்மா@அலுவலகம்

ஆயாவின்
செல்போனில்
முதன்முறையாக
அம்மாவை
அழைக்கும் குழந்தை.

thanks for calling ..so and so
ஹலோ அம்மா!

the number you have dialled is busy. please hold or try again later
ஹலோ அம்மா!

neevu dial maaditha chandhadhaararu....
ஹலோ அம்மா

பல்வேறு குரல் பெண்கள்
புரியாத மொழிகளில்
எல்லாரும் அம்மாவைப்போல
ஆனாலும் அம்மாவாக இல்லாது ..

அம்மா....
அம்மா எங்கே போனே?

கண்ணீருடன்
அம்மா நினைவில்
அரற்றுகிறது
காற்றலை வழியாக
அம்மாவைத்
தேடும் குழந்தை..